Apirilari martxoa hemen
hoska hasten zaionean,
zozomikote esaten dugu;
giro txarra, gehienean…
Baina aitonak eta amonak
(berria jakin zenean
Alaitz laztana jaioa zela
martxoaren atzenean)
zer zoriona izan genuen
lauron bihotz barrenean!
Aurten martxoko azken eguna
joan zihoala ihes,
mundura sortu zaigu biloba,
izenez Alaitz, aries.
Muxu bat ez den ezer agertu
ezin diogu; hari ez.
Halere zaharrok asko dakigu
uda berrien sariez:
mira irizten gaude oraindik
jaiotzaren mirariez!
Martxoak azken hondarrerako
ez zeukan noski egunik
eta iluntze aldera hortxe
dena jarri zen bigunik…
Nahiz eta Alaitz egon zegoen
sabel gozoan legunik,
Lide eta Inge ahizparik gabe
non hasi bila lagunik?
Hiru izarron irri bizia
ez da kenduko digunik!
Harri eta zur, hortaz, begira
jarririk laurok Alaitzi,
urte askoan ez genuke nahi
batere begirik itxi,
amodiozko musika jarriz
hainbat bertso eta hitzi,
halako ditxa aitona-amonoi
zaigula-eta iritsi,
eskerrik asko, ama Lierni
eta aitatxo Haritzi!!
Bizargorri, 2014ko martxoaren 31n