>

Blogs

Jesus Mari Mendizabal

Bai Horixe - Bizargorri

JUDUA ETXE BILA

Hala nola dagoen Pirinioetan Hiru Erregeen Mahaia mendia, dago Moncaioren azpi-ondoan Agreda, Sorian, Hiru Kulturen Hiria. Hiru kulturena edo (kristau-judu-morisko) hiru erlijioena. Eta jakina da erlijioa omen dela federik itsuena. Itsuena: hitza bera mintzo da aski ozen, noski. Egia osoaren jabe dena, beti zital; zaila, hortaz, elkarri tokia ematen… Atzo bertan (mairu-moroak lo edo mezkitan zirela), hara zer gertatu omen zen Agredan. Nafar erriberako lagun batek aitortu berri dit hala niri.

Etxejabe katoliko itsu batek etxebizitza alokatu nahi lehenbailehen, eta iragarki-afixa ezarri omen zuen horman, bere telefono eta guzti. Istanteko, etxeko atarian omen zeukan gizaseme hala-moduz jantzi bat eta, kastillano xaxtarrean: «Zuk errentan utzi nahi etxea –esan omen zion-; nik errentan hartuko». Errentatzaileak antzeman, ordea, giza-figura hura kristaua ez zena, judua baizik, eta goganbeharrez: (Hemendik aurrera kristaua eta judua dituzu txandaka hizketan; narratzailea lotara doa, mairuen ondora).

—Ez… Ez, jauna. Teila batzuk hautsiak ikusi ditut eta, euria hasienean, dena barruan blai. Teilatua ondo konpondu arte, ez diot etxea errentan inori utziko…

—Ez inporta, gizona. Nik anai bat, teilatu konpontzen oso ona. Berak di-da agudo konponduko. Nik interesa handia: etxe bat nahi…

—Ez, ez. Begira: ikusten dituzu umeak hor jolasean? Izugarri molestatzen dute bazkalondoko lo-kuluxka garaian; baita goizetan ere. Etxea horrela errentan eman? Ez.

—Ez inporta, gizona. Nik beste anai bat, jostailu egile. Nik jostailuak partitu umeei eta denak adiskide! Nik interesa handia: etxea nahi…

—Begira, aizu… Gauzak argi eta garbi, horra. Zu hor eta ni hemen. Nik ez diot inola santisima ere nire etxe hau judu bati alokatu nahi. Eta kito.

—Judua ni!? Ez, ez. Ni katoliko naiz eta!

—Zu kristau katolikoa? Tira, tira… Ea, ba, esaidazu: zenbat Jainko dira?

—Jainkoa, bakarra. Hirutan, hori bai: Aita, Semea eta Espiritu Santua.

—Zein izen du Jaungoiko Aitaren Semeak, gu salbatzera mundura etorriak?

—Jesukristo.

—Eta non jaio zen Jesukristo?

—Jesukristo Belenen jaio.

—Jaun Goikoaren seme izaki, palazio eder batean jaioko zen, ala…?

—Ez. Gaixoa estalpe ukuilu modukoan jaio. Behia ondoan, astoa ondoan…

—Eta zer dela-eta jaio zen, ba, estalpe miserable negargarri batean, e…!?

—Zergatik? Kristau putakumeek nahi ez zutelako etxea alkilatu juduei.

Bizargorri, 2015-12-23

Temas

Solasean jolasean

Sobre el autor


diciembre 2015
MTWTFSS
 123456
78910111213
14151617181920
21222324252627
28293031