Astebukaera honetan Burgosera iritsi naiz eta nola ez, katedral zoragarria bisitatu dut. Kontsultatu dudan informazioa dioenez, eraikina 1221. urtean burutzen hasi ziren, Fernando III-ren (Santua) garaian, 1260ean konsagratua izan zelarik. Eraikinak Frantziatik etorritako eredu gotikoak bereganatu zituen. Fatxadak, esaterako, Pariseko eta Reimseko katedralen egiturak jarraitu zituen eta barneko alzatuak, berriz, Bourges-eko katedralarenak bereganatzen ditu.

Ondorengo mendeetan ( XV eta XVI mendeetan) handitze eta apainketa prozesuak izan zituen. UNESkok 1984ean, giza ondarea izendatu zuen. Eraikina, bai kanpotik zein barnetik, kultorako tenplu bikaina bezala antzematen da. Inspiraziorako eta barne introspekziorako gunea bilakatuz. Egunotan, ibilbideari jarraikiz Fromistara iritsiko naiz. Eskuartean dudan informazioak adierazten didanez, Fromistan Europako erromaniko estilo esanguratsuenetakoa den San Martin de Tours-eko eliza bisitatzeko parada izango dut. Eta une hori noiz iritsiko den irrikiz nago.

Eliza honen lehen berriak 1066. urtean izan ziren. Bertara gerturatzen naizenean mendeak eta mendeak, gertaerak eta bizipen desberdinak bizi izan dituen eraikin zoragarria izango dut ikusgai. Baina hori gertatu aurretik, atzoko egunean Kilometroan, euskararen ospakizun egunean, ibili ziren milaka pertsonen antzera, oraindik kilometro ugari oinez burutzea geratzen zait…

© anne-etchegoyen_906 for Anne Etchegoyen, viaje a Compostelle, get_post_time('Y'). | Permalink | No comment | Add to del.icio.us
Post tags:

Feed enhanced by Better Feed from Ozh

The post Burgoseko Katedralean eta Fromistaruntz appeared first on Anne Etchegoyen, viaje a Compostelle.