Egunotan, herenegundik etzidamura, Euskal Herriko Bilbo Ziri-Buruan, Makina-Erremintaren 30. Biurtekoa Ospatzen ari dira, Barakaldoko Bilbao Exhibitio Centre mundu osoa biltzeko prest ipinita. Amerikarren Trump-ek, berriz, etzi mugako zergen gerra pitz lezake. Hura bezain buru-zahagi badela demostratzeko eta, bide batez, aldizka turistak handizka konkistatzeko, zer otuko Aburto Alkate Jaunari?, eta bururatu zaio lehoikeria ikaragarria. Bilarazi ditu […]
Joan den aste azkenean ez duzu blog berririk hartu: internetaren makineriak hartara gaitu behartu… Nonbait, uhinen itsasoetan zertxobait zaie ihartu: zabala omen sarea baina ezin izan dut nik sartu… Asteazkena berriz badator; baietz zerua izartu! Bizargorri, 2018-05-28
Aurreko asteburuan errugbiaren borroka-saltsa izan da bizi-bizi, bero-bero, Bilboko San Mamesen, Challenge eta Champions bi kopa finaletan. Galeseko eta Ingalaterrako, Irlandako eta Frantziako taldeak konbatean ibili dira heriosuhar, hala joko-zelaian nola harmailetan eta kaleetan ere: “hi bahaiz, ni ere banauk!” esaka, elkarri aurre eginez. Bitik batek irabazi du; besteak galdu egin du. Historia irabaztunek idazten […]
Sigmund Freud Austriako Pribor hirian jaio zen 1856ko maiatzaren 6an, eta Londresen hil, 1939ko irailaren 23an. Stefan Sweig idazlea, berriz, Vienan jaio zen 1881eko azaroaren 28an, eta Brasilgo Petropolisen hil, 1942ko otsailaren 22an. Biak ziren austriarrak, hortaz; biak juduak; eta, biak hala biak, erbestean hil ziren halabeharrean, halakoxeak izaki garai hartako zorigaitzak… **** «Adore morala […]
EL BIDASOA aldizkariak, 1934ko ale batean, dakar Migel Patapalo-ren berri. Kronika zaharra dela dio artikulugileak; auskalo, hortaz, noizko historiak diren… Harresi barruko gaztelu zaharra bera baino ere ezagunagoa omen zen Hondarribian. Hura omen zen gizona, hura! Arte gogorra bezala trinko, gorosti hezearen antzera zimel; alai eta adarjotzaile; guztiek maite omen zuten herrian. Gaztetan arrantzale fin […]
Amaitzen ari da Seguritate Sozialeko erakunde kudeatzaile espainiarrak (Imserso) aitona-amonentzat antolatzen dituen bidaien aurtengo aldia. Hemendik aurrera, hurrengo hotzaldira bitarte, ez da xahar merkeen beharrik, bestela ere betetzen baitira hotelak han-hemen. Gauza da oparo eta gozaro aprobetxatzen dutela jubilatu euskaldunek ere aukera paregabea, noiz hara noiz bestera bidaiatzeko. Aitona-amona beasaindar ezagun bik egin berri duten […]
Azken bolada luzean badabil istilua franko hedabideetan politikarien edota agintarien gezurren harira. Gezurtero zebilen jakinaren gainean errege Junkarlos I.a Justizia iguala omen dela denentzat zionean, palazioan. PPko Cristina Cifuentes andrea eta Pablo Casado jauna gezurretan ari dira beren master eta titulu eta ikastaroen kontura, Madrilen; baita PSOEko Griñan eta Chaves jaunak ERE diru publikoen partiketen […]
Egunero dauzkagu berri lazgarriak munduko itsaso eta lehorretatik: bost mugan tiroz erail dituztelakoa, ur gazitan zazpi ito direlakoa, lur gorritan hamaika goseak akabatu dituelakoa. Denak gerratik edo miseriatik ihesi…. Egunero entzuten diegu adituei gosea eta behar-gorriak direla (eta, ezinbesteko ondorioz, emigrazio masiboak) XXI. mendeko korapilorik korapilatsuena… Egunero ahazten zaigu euskaldunok zeinen nekez ari izan ginen […]
Ciudadanos-eko Albert Rivera jaunaren hurbileko erreketero, monagillo edo morroi batek kalean harrapatu ninduen lehengoan ziplo. Eskean zetorren, faborezka. Hurrengo hauteskunde-kanpainarako beren alderdi politikoaren ideien muina erabakia omen zeukatela, baita gaztelaniatik katalan eta galegora itzulia ere; baina ez vascuencera. Ea, faborez, euskaratuko ote nion, bada. Baietz, nik. Eta hona hemen gaur bertan entregatuko diodan testua, lerroka: […]
Nik ez nekien, baina, badirudi, adituen esanean, geure buruak burmuin edo garunaren berezko trebetasuna mugatzen eta murrizten omen duela. Garunak onartzen omen ditu murrizketak, eta programatua geratzen omen da buruak ezarri dizkion mugetara… Hori hala ez balitz, nahi beste ahalmen ba omen dugu geure baitan; zernahitarako gauza omen gara; nahi duenak ahal omen du; gure […]
