Zientzialari talde batek behin bost tximu ipurloka ipini zituen kaiola handi batean; kaiola barruan, eskailera bat; eskailera goienean, berriz, banana mordoa. Tximuetakoren bat eskaileran goiti abiatzen zen aldiro, beste lau beheko tximuei ur zurrusta hotz-hotza botatzen zieten zientzialariek, zarra-zarra. Handik denbora asko baino lehen, tximuren bat eskaileran gora hasten zen orduko, beste laurek heldu eta, […]
Indigenok (bertakok, lurralde honetakok) zenbat aldiz ez ote gaituzte gutxietsi eta gaitzetsi, isekatu eta umildu kosmopolitek, ustezko jakintsu moderno demokratek!? Batzuetan badirudi eraman nahi gaituztela errukarriok tipili-tapala, sokatik lotua den zakurra bezala. Izan ere, asmo politak bai, baina gurea oro bide da motza, itxia, arlotea, aldeanoa. Guk ez dakigu ezer, tuntunok; oker goaz beti, egoskor. […]
Apirilari martxoa hemen hoska hasten zaionean, zozomikote esaten dugu; giro txarra, gehienean… Baina aitonak eta amonak (berria jakin zenean Alaitz laztana jaioa zela martxoaren atzenean) zer zoriona izan genuen lauron bihotz barrenean! Aurten martxoko azken eguna joan zihoala ihes, mundura sortu zaigu biloba, izenez Alaitz, aries. Muxu bat ez den ezer agertu ezin diogu; […]
Notiziak garai batean izango ziren berri; orain, dagoeneko, zaharrak ez ezik ia beti, txarrak dira aldiro. Baita gogaikarriak ere sarri, kalaka eta talaka. Bonba-eraso moduan ez bada, ziri eta mailu erasaten digute segundoz segundo irrati-kazeta-telebistek, belarri-barruak mintzeraino, geure bizia bera atzentzeraino. I. Azkuna eta A. Suarez jaun txit prestuen hileta-funtzioak; Realak lau eta hiru galdu […]
Gogoangarria da zinez Romanones-eko kondeak behin egin omen zuena. Zer izan zen, eta zer ez, hemen ezer ere ez. Behin egindako hura gogoratzeko, salto egin beharra dugu zuk eta biok Nafarroatik Guadalajara. Goazen eta nik kontatuko dizut anekdota poxpolina. Kondearen ama sekulako lurren jabe omen zen Guadalajarako probintzian. Hara sarri joan zale zen, nonbait, Romanones […]
Hemen omen dira aurki Europarako hauteskundeak. Jendeok izango dugu botoa emateko aukera, eta politikariek potoa betetzeko maukera (mauka, pagotxa). Hauteskunderik batere ez zen garaietan, gure aita zenak askotan aipatzen zigun “belea egondako hesolaren punta”. Adierazi nahi izaten zigun, zuzen gogoratu uste dudanez, hesolaren puntan egundo ez dela ezeren arrastorik geratzen, dena ziplo jaten edo berarekin […]
Behin batean asto bat, zintzo fin izandakoa urte askoan, lur-zulo batera erori zen, osin-hondo aski sakonera. Min handirik ez zuen hartu, baina ezin inola ere handik atera, arraio zitala! Arrantza larriak egin zituen asto gajoak. Nagusia ez zen aparte, ikusi zuen ezbeharra, eta, buruari bueltaka, ea zer demontre egitea komeni ote zitzaion hasi zen pentsatzen. […]
Jesusek berrogei egun eta berrogei gau irago zituen basamortuan otoitzean, barauan, penitentzian. Aurki da kristauentzat berrogei eguneko garizuma. Berrogei gau eta egun larri egin zituen, galduko ez galduko, Noeren ontziak. Berrogeitaka urtez aritu izan zaigu ETA jo eta suan, izu eta herio. Berrogei egun egon berri gara euripean, eguzkirik bistatu gabe, haizeek eta olatuek […]
Adio, bai horixe. Hau dut nire azkena hemen, Bai horixe-n. Egunkariaren aginduz, bazterrera gelditua naiz sailetik, alde egin beharrean nago letra-larre honetatik. Betiko, momentuz. Eskubide osoan dago aginteduna eta, bihotz etsituarekin badarik ere, ez dut ordena onartu beste erremediorik. Nire azken zutabea dut, hortaz, hemen. Amen. Adio. Mila bederatziehun eta laurogeita hamarrean hasi nintzen eta, […]
Ez da giro itsasoan. Erreka beteek, haize beltzek eta marea biziek bat egin zuten asteotarako, eta errukiena da itsasbazterrean jolasean dabilena. Ontziak kaian dira, arrantzaleak etxean eta, zer esanik ez, arrokeroak, kostako harkaitzetan lanpernatan-eta ibili ohi direnak. Lanpernak… Hau beste inoiz ere kontatua dudala uste dut, baina halabeharrez datorkit gaur ere hizpidera. Lanperna-biltzaileak nekez joango […]
