Askotan komentatzen dut espazio honetan benetako zinea faltan botatzen dela, artifiziala dela sala komertzialetan ikusten dugun zinea. Azkenaldian benetako zinea aurkitzeko diru gutxi eta imaginazio askorekin egindako zinera jo behar dugu, lagunen artean egindako zinera, etxean ditugun tresnekin egindako zinera.

‘Betiereko emaztegaia‘ lagun batek egindako filma da, Gaztezulo aldizkariak antolatzen duen VI. Bideo lehiaketara aurkeztua. Iker Casado eta bere lagunek egindako larbumetraian ilusioa nabari da, zinea egiteko gogoa eta istorioak kontatzeko irrika.

Casadoren lanak trauma baten aurrean erreakzionatzeko dugun modua esploratzen du. Bizitzan markatzen dugun meta horietako bat erortzen denean, aurrera jarraitzeko aukerarik gabe geratzen garen momentu horretan, etorkizunaren aurrean zer egin ondo jakin gabe geratzen gara. Mundua amaitzen da.

Agian ez da larbumetrai onena, baina benetakoa dela nabari da, eta horrek ez du preziorik.

Larbumetraia atsegin baduzu sartu VI. Gaztezulo Bideo Lehiaketaren webgunera eta eman zure botoa ‘Betiereko emaztegaiari‘. Etorkizun handiko zinemagile baten lehen pausoan lagundu.

© eurofan93 for El fotograma, get_post_time('Y'). | Permalink | No comment | Add to del.icio.us
Post tags: Gaztezulo, Iker Casado

Feed enhanced by Better Feed from Ozh

The post 'Betiereko emaztegaia', euskal zine gaztea appeared first on El fotograma.